كل اللي عليك تختار عرض كاش باك من الموجودين في التطبيق، تروح تشتري المنتج بنفسك من المطعم أو الفرع اللي ظاهر في العرض، وبعد كده ترفع صورة الفاتورة من جوا التطبيق. لما نراجعها ونتأكد إنها مطابقة، الكاش باك بينزل في محفظتك مباشرة.

إحنا بنراجع كل الفواتير يدويًا علشان نضمن إن الفاتورة حقيقية، والمشتريات مطابقة للعرض. فغالبًا الكاش باك بينزل خلال ٢٤ لحد ٤٨ ساعة. بس ساعات لو في ضغط أو محتاجين نراجع حاجة، ممكن ياخد وقت أطول شوية.

تقدر تستخدم الكاش باك في شراء كوبونات جوا التطبيق. الكوبونات دي ممكن تديك خصومات أو منتجات ببلاش من مطاعم ومحلات معينة. يعني ببساطة، الفلوس اللي بتاخدها من الكاش باك تقدر تستفيد بيها تاني بشكل أحسن!

مش شرط تكون باسمك، بس لازم تكون واضحة، ومكتوب فيها تاريخ الشراء، اسم المطعم أو المحل، والأصناف اللي اشتريتها. لو في حاجة مش باينة أو ناقصة، ممكن الكاش باك يترفض.

السبب الأول بيكون إن المنتج اللي اشتريته مش من ضمن العروض الموجودة. السبب التاني إن الفاتورة ممكن تكون مش واضحة أو فيها أجزاء ناقصة زي التاريخ أو اسم المحل. وفي حالات تانية، بيكون الشراء حصل من فرع مش مشارك في العرض، أو العرض كان خلص قبل ما تشتري أو لأسباب تقنية تانية .. تقدر تبعتلنا على info@noaat.com لمعلومات أكتر!

آه، كل فاتورة ليها صلاحية معينة بعد الشراء. حاليًا، لازم ترفع الفاتورة في نفس يوم عمليّة الشراء، ولو عدّى أكتر من كده، الفاتورة مش هتتقبل ومش هتاخد كاش باك عليها.

العروض "كاش باك" معناها إنك هتشتري وتاخد فلوس ترجعلك على المحفظة. إنما الكوبونات دي بتشتريها باستخدام الفلوس اللي في المحفظة، وبتديك خصم أو منتج مجاني عند المحل أو المطعم. الاتنين بيكملوا بعض، بس استخدامهم مختلف.

يُفضل تبقى متصل بالنت علشان تقدر تتابع العروض، وتشوف الفرع لو مشارك ولا لأ، وكمان ترفع الفاتورة بعد الشراء. بس لو النت مش متوفر، تقدر تحتفظ بالفاتورة وترفعها بعدين.